Mac//beth

De Oscuro& Chanolfan Mileniwm Cymru / Wales Millennium Centre

Mac//beth

Cyfuniad gwefreiddiol o ddawns a theatr - dyma gynhyrchiad i’r sawl sy’n dyheu am brofi’r anarferol yn y traddodiad theatr/dawns Ewropeaidd. Yn ôl â ni at graidd drama Shakespeare.  Mae cyfieithiad newydd Mererid Hopwood yn gwau i mewn ac allan o destun gwreiddiol y bardd, â’r Bwyleg a’r Hebraeg yn britho’r Gymraeg.  I gyfeiliant sgôr newydd swynol ar gyfer pedwarawd llinynnol, mae ensemble egnïol o berfformwyr yn dod â grym corfforol afieithus i’r cymeriadau cyfarwydd hyn. Geiriau Shakespeare sy’n ysbrydoli’r ddawns, a’r ddawns wedyn sy’n goleuo’r testun.