Karen Pearce Pwll Disglair

"Dyma gasgliad o baentiadau, printiau a darluniau sy’n adlewyrchu fy mhroses ac agwedd tuag at baentio’r dirwedd dros y cwpwl o flynyddoedd diwethaf.

Y prif ffocws yn yr arddangosfa hon yw astudiaethau plein air a phaentiadau stiwdio o lannau afonydd a morlinau - yng Ngheredigion yn bennaf.

Daw f’ysbrydoliaeth o fod mewn mannau lle mae’r lliwiau a’r golau yn ysgogol - os yw hynny’n olygfa eang ar draws y bae neu’n gipolwg sydyn ar bwll disglair o ddŵr.

‘Rwy’n archwilio agweddau o gyfansoddiad, strwythur a gwaith haniaethol ac ‘rwy’n ymddiddori ym mhosibiliadau mynegiannol lliw. ‘Rwy’n arbrofi’n aml gyda ffyrdd o osod y paent, weithiau’n toddi darluniad mwy cadarn y ffurfiau er mwyn awgrymu’r profiad o fod yno."

"