WOW: Wulu (15)

(Daouda Coulibaly, Senegal 2016, 95mins, subtitled)

Wedi ei gyrru gan berfformiad canolog egnïol, dyma i chi ffilm gyffro sy’n eich cyfareddu o’r dechrau i’r diwedd am ddyn ifanc dymunol, optimistaidd a chraff a’i ddatblygiad o docynnwr bws i brif ddeliwr cyffuriau.

Mae Wulu yn dangos darlun tra gwahanol na’r arfer o Mali, gan gysylltu’n ddeallus cynnydd a chwymp Ladji â’r digwyddiadau gwleidyddol a arweiniodd at wrthryfel Mali yn 2012. Yn benderfynol o achub ei chwaer o buteindra, mae Ladji yn osgoi’r twyllo, yn goroesi brwydr gynnau yn yr anialwch ac yn codi’n gyflym i frig y fasnach gyffuriau. Wrth gwrs nid yw’r amserau da yn parhau. Fel riff Mali ar Scarface, mae hon yn stori drawiadol am yr Affrica fodern lle caiff cyffuriau eu masnachu am arfau sy’n bwydo rhyfeloedd cartref ar draws y cyfandir.