Abertoir: A Banquet (18)

(Ruth Paxton, y DU 2021, 97 munud)

 

Mae Holly, sy’n fam weddw, yn cael ei phrofi i’r eithaf pan mae ei merch Betsey sydd yn ei harddegau yn “gweld y goleuni” un dydd ac yn mynnu nad yw ei chorff yn perthyn iddi bellach, ond ei fod yn gwasanaethu grym uwch.   

Yn rhwymedig i’w ffydd newydd, mae Betsey yn gwrthod bwyta, ond nid yw’n colli unrhyw bwysau. Mewn dilema ingol, ac yn cael ei rhwygo rhwng cariad ac ofn, gorfodir Holly i wynebu ffiniau ei chredoau ei hun. 

 

Mae’r ymdeimlad bygythiol bod rhywbeth dychrynllyd yn mynd i ddigwydd yn datblygu’n raddol yn y ffilm arswyd seicolegol bwerus hon sy’n asio themâu galar, mamolaeth a thyfu i fyny gyda dirgelwch goruwchnaturiol, aml-haenog a thywyll.