Porc Pei

Helen Jones

Wi’n dwlu ar borc peis.

Wi’n trio ‘ngore glas i beidio a’u prynu nhw’n rhy amal… yr holl saturated fat...

dy’w e ddim yn beth allech chi alw’n fwyd iach yw e.

Ond withe’, pan i fi mas yn siopa, a wi’n gweld nhw ar y shilff..  wi’n  methu peidio ond prynu un.

 

Ma’n ffrindie i gyd yn gwbod am y peth da’r porc peis.

Ma’ nhw’n eu prynu nhw os i ni’n mynd ar drip neu ar bicnic.

Ma’ nhw’n dweud pan ma’ nhw’n siopa, a ma’ nhw’n gweld  porc pei, ma nhw’n meddwl amdana i.

Ac yn prynu un yn anrheg i fi.

 

Ma’r plant yn ‘y nosbarth i yn ysgol yn gwbod am y peth porc peis hefyd.

Pan y’ ni’n mynd ar dripie, ma nhw’n dod a’u cinio ‘da nhw.

Ma rhai’n dod a porc pei.

Ma rhai’n dod a dwy.

Ma nhw’n gwbod fod miss yn hoffi porc peis.

 

Pan i fi mas yn siopa , a wi’n gweld porc pei ar y shilff, ‘wi’n cael fy hun yn sefyll ‘na….yn gwenu fel gât.

Wi’n cofio’r plant, a’r holl dripie da  ni ‘di gal ‘da’n gilydd.

Wi’n cofio’n ffrindie a gymaint o sbort y’n ni’n gal.

 

‘Na pŵer y porc pei i chi.

 

A falle, ‘na pham wi’n ei hoffi nhw gymaint wedi’r cyfan. 

 

Rhowch i ni dipyn o'ch hanes.

Menyw, 43 oed, athrawes, mam i dri o blant, gwraig

Beth yw pwnc eich stori?

Grym y porc pei

Paham y buoch yn dewis y stori arbennig hon?

Nid oeddwn eisiau dewis rhywbeth rhy drwm

Beth oedd y peth gorau am y gweithdy?  

Y cwmni